Glamping in Armenia

  Գլեմփինգը Հայաստանում տուրիզմի նոր զարգացող ձևաչափ է, որը շատ արագ սիրվեց զբոսաշրջիկների և տեղացիների կողմից:

Գլեմփինգը համատեղում է ճամբարային հանգիստն ու հյուրանոցային հարմարավետությունը` մահճակալ, սանհանգույց, ջեռուցում, խոհանոցային հատված: 

Հայաստանը պարզապես կատարյալ է գլեմփինգի համար՝ գեղատեսիլ բնություն, լճեր, ջրամբարներ և լեռնահովիտներ: 

 Ներկայացնենք Հայաստանում գլեմփինգի մի քանի հայտնի վայրեր: 

1. «WOW Glamping»` առաջին վրանային ճամբարը Հայաստանում, գտնվում է Լոռու մարզում: Մարզի անկրկնելի բնությունն ու գլեմփերի ժամանակակից կահավորումը թույլ են տալիս վայելել հանգիստը լիարժեք` տարվա ցանկացած եղանակի: Վաու Գլեմփինգն առաջարկում է շքեղ կահավորված վրաններ և փայտե լոջեր` վառարանով, տնային կինոթատրոնով և այլ հարմարություններով: Տեղում գործող ռեստորանի հարուստ մենյուն կգոհացնի անգամ ամենաքմահաճ հյուրերին: Այստեղ կարող եք նաև կազմակերպել ձեր կյանքի ամենակարևոր միջոցառումները` հարսանիք, նշանադրություն, ծննդյան արարողություն կամ թիմբիլդինգ:
2.  Glamping Park, Լոռու մարզ: Յուրահատուկ վայր, որտեղ միահյուսվում են բնության գեղեցկությունն ու հարմարավետությունը: Գլեմփինգ պարկի վրաններն ունեն թափանցիկ պանորամային հատված, որտեղից բացվում է հեքիաթային տեսարան, երկտեղանի մահճակալներ, խոհանոցային հատված, սանհանգույց, ջեռուցման համակարգ և  սմարթ պրոյեկտորներ կինոսերների համար: Գլեմփինգ Պարկի առանձնահատկություններից է Ֆուրակոն` ճապոնական բացօթյա բաղնիքը: Տարածքում կա գեղեցիկ խարույկատեղի և մանկական խաղահրապարակ: Իսկ նորաբաց ռեստորանում կարող եք համտեսել ինչպես հայկական, այնպես էլ արտասահմանյան խոհանոցի ուտեստներ:
3. Dilijan Glamping` գմբեթավոր վրաններ Տավուշի մարզում: Այս հանգստի գոտու ամենամեծ առավելությունը տեղադիրքն ու բացվող հրաշք տեսարաններն են: Այցելիր Դիլիջան գլեմփինգ, եթե ուզում ես հայտնվել ամպերից էլ վեր: Երկու անձի համար նախատեսված այս գլեմփերում ապահովված են բոլոր անհրաժեշտ պայմանները լիակատակար հանգստի համար: 
4. Yenokavan Glamping` ընտանեկան հանգստի տարբերակ Տավուշի մարզի Ենոքավան համայնքում: Երկտեղանոց գմբեթավոր վրաններ` անհրաժեշտ բոլոր հարմարություններով: Ենոքավան գլեմփինգում կարող եք վայելել առավոտյան սուրճը բնության գրկում, իսկ երեկոյան ջերմանալ խարույկի շուրջ՝ գիշերային Իջևանի տեսարանի ուղեկցությամբ։ Ակտիվ ժամանցի սիրահարները կարող են գիշերել Ենոքավան գլեմփինգում, իսկ հագեցած օրվա համար այցելել Յելլ էքստրիմ պարկ` զիփլայնով թռիչքի, ժայռ​​​​​​​ամագլցման կամ այլ ծառայություններից օգտվելու:
5. Dreamy Domes` յուրօրինակ հանգստավայր Երևանից ընդամենը 45 րոպե հեռավորության վրա` Կոտայքի մարզի Գեղարդ գյուղում: Լյուքս դասի հանգիստն ու վայրի բնության գեղեցկությունն այստեղ միավորվել են` ստեղծելով իրական հեքիաթ: Dreamy Domes-ը տեղակայված է Հայաստանի ամենասիրված տեսարժան վայրերի հարևանությամբ. Գեղարդի վանական համալիր, Գառնու տաճար, Քարերի Սիմֆոնիա, Աժդահակ լեռ… Դե իսկ ամենանրբահամ ուտեստները և տպավորիչ տեսարանները ձեզ սպասում են Dreamy ռեստորանում: Այստեղ են կազմակերպվում ամենաոճային և ամենաէսթետիկ միջոցառումները:

Հավելենք, որ գլեմփինգները Հայաստանում շարունակում են ավելանալ նոր թափով և նոր լոկացիաներում: Ուստի առաջիկայում սպասեք նոր անդրադարձի: