Նեյթիվ Հատիս հյուրանոցը գտնվում է Կոտայքի մարզի Հատիս գյուղում։ Այն կազմված է առանձին հյուրանոցային համարներից։ Տարածքում գործում է Անահիտ թեյարանը, կա խարույկի հատված և մանղալ և տաղավար։ Հյուրանոցը պահպանել է գյուղական շունչը, որը մատուցվում է հյուրերին նորովի։ Անահիտ թեյարանը հյուրերին կտեղափոխի մանկություն, որտեղ ամեն մի անկյուն ունի իր ուրույն պատմությունը։ Խոտաբույսերով թեյի հյուրասիրությունը վառարանի շուրջ երեկոները կդարձնի էլ ավելի ջերմ։ Համարներում ստեղծված են բոլոր պայմանները լիարժեք հանգստի համար, իսկ մաքուր օդը, համեղ սնունդը լիարժեք հանգստի գրավականն են։